Vaksinering hausten 2026

Frå våren 2025 er det innført eit vaksinasjonsprogram for vaksne i Noreg. Målet er å verne vaksne mot alvorlege smittsame sjukdomar. Programmet omfattar influensavaksine, koronavaksine og pneumokokkvaksine til eldre og personar i risikogrupper. For meir informasjon om voksenvaksinasjon -  sjå FHI lenkje.

Kven bør vaksinere seg og kor ofte?

• Influensavaksine: årleg til alle frå 65 år, gravide (frå veke 12) og personar i risikogrupper.
  For meir informasjon om kven som bør ta influensavaksine - sjå FHI lenkje
• Koronavaksine: årleg til alle frå 75 år og personar i risikogrupper. Personar i aldersgruppa 65–74 år som ikkje høyrer til ei risikogruppe, kan òg få vaksinen dersom dei ønskjer det.
  For meir informasjon om kven som bør ta koronavaksine - sjå FHI lenkje
• Pneumokokkvaksine (lungebetennelse): alle frå 65 år og personar i risikogrupper.
  -    I 2026 får personar fødde i 1961 tilbod om Prevenar 20 til redusert pris gjennom vaksinasjonsprogrammet. Tilbodet gjeld òg personar fødde i 1960 som ikkje nytta det i fjor.
  -    Andre som er tilrådde vaksinasjon mot pneumokokksjukdom, kan få tilbod om dette utanfor vaksinasjonsprogrammet til ordinær pris.
  -    Dersom du tidlegare fekk Pneumovax, kan det vere aktuelt med ei ny vurdering for vaksinasjon etter om lag fem år. Har du fått Prevenar 20 eller Capvaxive, er det vanlegvis ikkje behov for påfyll. 
  For meir informasjon om kven som bør ta pneumokokkvaksine - sjå FHI lenkje

Vaksinering på Vik legekontor

Leveringa av influensavaksine er forseinka i heile Noreg i år. Me ventar å få influensavaksinen i veke 46. Vaksinering ved Vik legekontor er planlagt i vekene 47 og 48. Timar er no lagde ut for bestilling på www.helsenorge.no.

Logg inn – vel «Bestill time» – vel fastlegekontoret – vel «Vaksine» – vel dag og tid.
Det er òg mogleg å bestille time på telefon 576 98 700.

Prisar for vaksinering

Influensavaksine: 308 kr
Koronavaksine: 110 kr
Pneumokokkvaksine utanfor programmet (Pneumovax): 550 kr 
Pneumokokkvaksine i programmet (Prevenar 20): 110 kr for dei fødde i 1961 og dei fødde i 1960 som ikkje nytta tilbodet i fjor.
Alle tre vaksinane kan takast samtidig. Ved samtidig vaksinering er prisen for korona- og pneumokokkvaksine i programmet 85 kr per vaksine.
 

Kommuneoverlege 
Thuy-Anh Le Nes