Friskmeldt drikkevatn i Vik

Situasjonen ved Vik vassverk er no avklart, og alle vassprøvar er fine - slik dei skal vera. Det betyr at vatnet kan nyttast som normalt – til alle formål.

Utfordringane er lokalisert og isolert til eit av vassverket sine høgdebasseng. Dette bassenget stengte me ned allereie på måndag, og me gjer det no reint att etter gjeldande prosedyrar før me set det i drift att.

Vik kommune beklagar dei utfordringar dette kan ha skapt for vassverket sine abonnentar, men håper på forståing for at slike tiltak blir innført etter «føre var» prinsippet.