Faktura

Vik kommune kan ikkje avgjerda kva kanal du skal få fakturaen i. Dette styrer du fullt og heilt på eiga hand. Før systemet vårt sender ut fakturaen, gjer systemet oppslag i dei ulike kanalane i ei gitt rekkefølgje. Systemet sender deretter fakturaen til den øvst rangerte kanalen som er aktiv.

Rekkefølgja er slik:

1. Avtalegiro
2. eFaktura
3. Vipps Rekning
4. Digital postkasse
5. E-post
6. Blankett/Papir i postkassen

Avtalegiro er automatisk betaling. Det fungerer som tidlegare ved at du opprettar eller avsluttar avtalen gjennom banken din.

Varselet om avtalegirotrekk vil bli sendt på papir dersom du ikkje har nettbank.

Namn på varselet er ‘’Belastningsoppgave’’ og dette skal du ikkje betala.

Dersom du har Avtalegiro, vil betalingsvarselet bli forsøkt distribuert digitalt. Fakturablanketten vil ikkje ha girodel til brevgiro.

Ei god løysing for deg som ikkje har nettbank eller andre digitale løysingar vil vera å oppretta AvtaleGiro, så får du tilsendt belastningsoppgåve i posten.

eFaktura er eit godt alternativ til AvtaleGiro. Me vil tilrå alle våre kundar å oppretta eFakturaavtale i banken. eFaktura sikrar at fakturaen kjem kjapt fram, samt at den er ferdig utfylt, slik at du slepp å tasta kontonummer, KID og beløp.

eFaktura har tre ulike varianter:

1. Aktiv eFakturaavtale, som er ordinær eFaktura.
   Viss du ikkje ønskjer dette, må du avslutta eFakturaavtalen i nettbanken.
    
2. eFaktura YesToAll, der det ikkje viser at du har ein aktiv avtale med Vik kommune, men har akseptert eFaktura frå alle som sender deg faktura.
   Viss du ikkje ønskjer dette, må du slå av YesToAll i nettbanken.
    
3. «Vipps Regning» som kjem fram i nettbanken (denne metoden var ny i 2019).
   
   Viss du ikkje ønskjer dette, gå inn i Vippsappen og slå av visning av «Vipps Regninger» i nettbanken.

Vipps eFaktura krev at du nyttar Vipps, og at du har aktivert Vipps eFaktura inne i appen. Å betala rekningar i Vipps er svært enkelt og du avgjer sjølv om du vil betala med ein gong eller ved forfallsdatoen som står på fakturaen.

Vips eFaktura er eit produkt der fakturaen fullt og heilt er sendt til Vipps. Samtidig finn du også det ein variant der ein eFaktura blir vist i Vipps. Dette styrer du i innstillingane inne i Vippsappen.

Vipps kjem stadig med nye oppdateringar av sin app for å betre funksjonane og brukaropplevinga. Vipps som selskap tek sjølv avgjerer om kva innstillingar som følgjer med ei oppdatering. Til dømes har Vipps lansert oppdateringar som inneheld automatisk samtykke i å ta imot fakturaer på Vipps. Mange har reagert på at dei ikkj har gjort dette valet, men valet er gjort i det du har lasta ned oppdateringa.

Dersom du ikkje ønsker å Vipps eFaktura, eller visning av eFaktura i appen, må du gå inn på innstillingane i appen og skru av desse funksjonane.

Dette gjer du slik:

• Logg deg inn i Vipps-appen
• Klikk på "Profil" nedst til høgre
• Klikk på "Regninger og eFaktura"
• Vel om du vil slå av visningar av eFaktura eller eFaktura i Vipps, ved å klikke til høgre ved kvart punkt slikt at valet vert grå-kvitt.

Hugs at dersom du skrur av Vipps eFaktura før ein ubetalt faktura er betalt, må du betala fakturaen manuelt. Du finn betalingsinformasjon på fakturaen i Vipps.

For å få faktura på Digipost eller eBoks, må du ha oppretta ein digital postkasse hjå ein av desse. Du kan oppretta digital postkasse og lesa meir om tilbodet på norge.no. Dersom du alt har avtale om eFaktura eller avtalegiro med kommunen vil desse gå framfor levering til digital postkasse.

Faktura sendt til din digitale postkasse er ein fullverdig postleveranse. Varsling via SMS eller e-post styrer du på dine innstillingar for varsling inne i din digitale postkasse. Vik kommune kan ikkje endra desse innstillingane.

Dersom du vel å få post i digital postkasse, vil du også få faktura her. Dersom du ikkje vil ha faktura digitalt, må du aktiver ein av dei høgare rangerte kanalane, eller skru av den digitale postkassen. Reservasjon av digital post frå offentleg sektor gjer du på www.norge.no/reservasjon

Ønskjer du å få faktura tilsendt som PDF-vedlegg til e-post, kan du kontakte oss for å få registrert e-postadressa di i vårt system. Me må presisera at dersom du har andre digitale kanalar som avtalegiro, eFaktura, Vippsfaktura eller digital postkasse, vil desse bli brukt framfor e-post.

Dersom du ønskjer at me skal senda faktura til ei anna e-postadresse, må du melda frå til oss om dette. 

Dersom du alt får faktura på e-post, og heller ønskjer at me sender faktura per post/papir, må du gi oss beskjed om dette.

Dersom me ikkje får treff i nokon digital kanal, vil faktura bli levert i postkassen din, på same måte som tidlegare. Den einaste forskjellen du vil merka er at utsjånaden på fakturaen er noko endra. Den nye blanketten har ikkje girodel nedst, så dersom du ønskjer å nytta brevgiro, må du fylla ut ein tom giroblankett sjølv. Tomme giroblankettar får du i banken din.